اللينكات شغالة ياجماعة زى الفل
5 نتيجة بحث عن mido
تجارب معمل اختبارات 2 - السبت أبريل 24, 2010 4:28 pm
هذه هى اللينكات
التجربةالاولى
http://www.mediafire.com/?1gke42mkjjm
التجربة الثانية
http://www.mediafire.com/?qozjtunngjz
التجربة الثالة
http://www.mediafire.com/?jenmmjoyyzt
التجربة الرابعة
http://www.mediafire.com/?kmowm2zhyoz
التجربة الخامسة
http://www.mediafire.com/?adywy2wmmdh
ماما... وحشتنى - الجمعة أبريل 23, 2010 4:24 pm
يوم ماتش مصر و الجزاير الاول في مصر . يوم 14\11 اللي فات ... مصر كسبت 2 - صفر , و كمان امي ماتت فيه .. ماتت بعد صراع مع فيرس الكبد الملعون .. ماتت و سابت الدنيا و سابت الحياة مختلفه - للاسوأ طبعا - و سابتني انا شخصيا شبه منهار
كتير كنت بأجل اتكلم عن ماما .. وكنت ناوي ما أتكلمش عنها خالص و احتفظ بذكرياتها مع نفسي . بس انا ما قدرتش اكتم و اكتب في اي حاجه تانيه .. خصوصا و ان النهارده عيد الام
.
للاسف مكنتش قريب اوي لماما . بس ده ماكناش يمنع حبي ليها .. كنت دايما في اليوم ده لازم ببقي معاها , كنت بهزر معاها و اقولها : انا مفلس السنادي ... ثم انتي ماجبتيش ليا هديه في عيد ميلادي .
فاكر و بشده ابتسامتها الصافيه .. الخاليه من اي حقد او مشاعر سلبيه .. فاكر جدا سؤالها عني لما بنبقي متخانقين .. فاكر- قبل مرضها مرض الموت - انها لما كانت بتصالحني كانت بتعزمني علي اكله من اكلاتي المفضله .. المحشي او البسله و البطاطس ..
فاكر أكتر لما كانت بتحب تتفرج علي معتز الدمرداش, و مكانتش بتحب مني الشاذلي .. كانت بتحب مني الحسيني مع اني كنت بكرهها .. كنت بتحب وائل الابراشي . و عبله الكحلاوي و مكنتش بتحب اوي عمرو خالد اللي انا بكرههم الاتنين
في ايامها الاخيره ... كان الملح ممنوع عليها منعا تاما ... وكان أكلها كله مسلوق ... كنت بضحك اوي لما الاقي جنبها ع السرير طبق صغير جدا .. فيه شويه ملح .
في رمضان .. اوقات كنت بروح عندها و ابات معاها .. .. كان قتها بحب افطر بطاطس مقليه .. و كانت من ضمن قايمه الممنوعات عليها .
كانت بتوشوشني في السر .. اني اعمل ليها طبق صغنن فيه شويه بطاطس ... وكانت بتاكله لما كله يخرج من عندها 
)
اخر وصيه وصيتني بيها ... اني اخد بالي من بنات اختي و دراستي
الحاجات بعد ماما ما بقاش ليها طعم ...
الدنيا خلصت بدري بدري .. ... معظم الحاجات بقيت حاسس انها مالهاش لازمه طول ما امي موش موجوده .. امنيتي الوحيده اني اشوف امي اني ابوسها و اخدها في حضني
في يوم موتها حصل حاجات انا نفسي موش متخيل اني عملتها .. بكيت بحرقه في حصن صاحبي عمرو ... كنت متماسك لحد نقطه معينه , ماقدرتش بعدها اتحمل .. و انهرت
بحاول ازور ماما في قبرها ... بس بحسس بمرارة كل اما افتكر ان علاقتي بأمي بقت علاقه بيني و مابين مبني قصير اسمنتي ..
هاجس برود العلاقه بيني و بين ماما اللي وصل ليه عاملي شبه عقده..فشلت تماما اني احكي معاها او افضفض لها زي ما بيعملوا
يمكن نص الكلام ده ما يبقاش مهم لأي حد
بس انا غرضي اقول حاجتين ... اعرف قيمه والدتك و اوعي ابدا ابدا تزعلها ... لان لو لاقدر الله و فقدتها الدنيا هتتشقلب .. صدقني
و حاجه تانيه ... يا ماما ... وحشتيني اوي
